KWAYA YA MTAKATIFU SESILIA KIHESA WAMEKULETEA KALI ZAIDI;

USIPANGE KUIKOSA

MBUNGE AHOJI MAMBO MAZITO.

BURIANI WINNIE MANDELA.

PUMZIKA KWA AMANI WINNIE MANDELA: MWANAMKE JASIRI NA MPAMBANAJI BARANI AFRIKA.

Winnie Mandela, mke wa zamani wa Nelson Mandela, ambaye pia alipigana dhidi ya utawala wa ubaguzi wa rangi Afrika Kusini amefariki dunia akiwa na miaka 81.

Habari za kifo chake zimethibitishwa na msaidizi wake.

Alizaliwa mnamo 26 Oktoba mwaka 1936, na ingawa yeye na mumewe - Nelson Mandela - walitalikiana mapema miaka ya 1990, Winnie Madikizela Mandela kama alivyofahamika rasmi alisalia kutoa mchango katika maisha ya Bw. Mandela.

Alikuwepo na walishikana mikono alipokuwa akiondoka gerezani baada ya kufungwa kwa miaka 27.

Lakini maisha yake pia yalikumbwa na utata.

Msemaji wa familia Victor Dlamini amesema kupitia taarifa kuwa: "Amefariki baada ya kuugua kwa muda mrefu, ambapo amekuwa akiingia na kutoka hospitalini mara kwa mara tangu mwanzoni mwa mwaka.

"Alifariki kwa amani mapema Jumatatu adhuhuri akiwa amezungukwa na familia na wapendwa wake."

Askofu mstaafu na mshindi wa tuzo ya Nobel Desmond Tutu amemsifu kama "ishara kuu ya vita dhidi ya ubaguzi wa rangi," kwa mujibu wa AFP.

Winnie alikuwa na miaka 20 hivi pale alipojipatia umaarufu mkubwa katika siasa nchini Afrika Kusini.

Alisomea kazi ya utoaji huduma za kijamii na haraka aliyazoea maisha ya kuwa mama na mwanasiasa.

Katika kipindi chote cha miaka 27 mumewe alipokuwa gerezani bila matumaini ya kuachiwa huru kutokana na hukumu ya kifungo cha maisha jela alichopewa mwaka 1964, Bi Winnie alilazimika kubeba jukumu la ulezi wa watoto na pia kuendeleza kampeni za kisiasa kutaka mashujaa wa kupigania nchi yao waachiwe huru hasa mumewe.

"Kamwe hatutapoteza matumaini na watu wangu hawatapoteza matumaini kamwe, bila shaka tunatarajia kwamba kazi itaendelea," alisema wakati huo.

Kutokana na hayo Bi Winnie Mandela alilazimishwa kusalia tu huko Brandford katika jimbo lao la Orange Free katika miaka ya 70 baada ya operesheni mojawapo za kupambana na ubaguzi wa rangi zilizokuja kujulikana zaidi kama the Soweto Uprising.

Kama ilivyomtokea mumewe, Bi Winnie alifungwa gerezani, na hata kuwekwa katika kizuizi cha pekee yake ambacho ni mojawapo ya vifungo vigumu zaidi gerezani vinavyowaathiri wafungwa kisaikolojia.

Lakini baada ya kuachiwa kwake mtindo wa mapambano yake dhidi ya ubaguzi wa rangi ulianza kupata sifa mbaya hasa pale alipoonekana kuendekeza tabia ya kuwavisha tairi shingoni wale waliolengwa kwa tuhuma za usaliti na kisha kuwachoma moto.

"Kwa 'mikufu yetu' tutaikomboa nchi hii," alizoea kusema.
Mambo yalizidi kumwendea mrama kutokana na matendo ya baadhi ya walinzi wake katika kile kikundi kilichojulikana kama the Mandela United Football Club.

Walipatikana kuhusika katika kitendo cha kumteka nyara na kumuua kijana mmoja mwenye umri wa miaka 14 aitwae Stompie Moeketsi -kwa tuhuma za kwamba alikuwa akitoa siri kwa maadui zao.

Japo Bi Winnie Mandela aliepuka hukumu ya kifungo jela - baadaye tume ya ukweli na maridhiano iliyoongozwa na askofu Desmond Tutu, iliyokuwa inachunguza ukweli kuhusu matendo tata katika vita dhidi ya ubaguzi wa rangi na kutafuta maridhiano, ilimpata Bi Mandela na hatia ya kutowajibika kisiasa wala kimaadili wakati wa kitendo hicho.

Licha ya misukosuko hiyo Bi Mandela alibaki kuwa mtu muhimu sana katika siasa za Afrika kusini na kuwa mwakilishi muhimu wa wanawake waliopambana kufa na kupona dhidi ya utawala wa ubaguzi wa rangi uliokuwa unaendelezwa na Wazungu walio wachache nchini humo.

Katika siku za baada ya uhuru wa Afrika Kusini anakumbukwa zaidi kwa kuwa miongoni mwa wachache katika uongozi wa ANC waliomuunga mkono aliyekuwa Rais wa Afrika Kusini Thabo Mbeki katika kushutumu na kulaani vikali vitendo vya kuwashambulia wahamiaji wa Kiafrika huko nchini Afrika Kusini.
KUSINI - mashambulio yalibandikwa jina xenophobic attack.

Pia amekuwa muungaji mkono mkubwa wa kiongozi wa chama cha Economic Freedom Fighters cha Julius Malema, kilichojimegua kutoka ANC ambacho kilimkosoa vikali Rais aliyelazimika kung'atuka madarakani Bw. Jacob Zuma.

Historia ya Bi Winnie Madikizela Mandela, hadi kifo chake inabaki kukumbukwa zaidi kama Mama wa taifa la Afrika Kusini aliyesimama kidete dhidi ya ubaguzi wa rangi katika umri wake wote.

APUMZISHWE KATIKA AMANI YA BWANA.

ASKOFU MKUDE AWALILIA WANAOPOTEA KATIKA MAZINGIRA YA KUTATANISHA.

*************************
Askofu wa jimbo katoliki Morogoro Mhashamu Telesphor Mkude ametahadhalisha uwepo wa hofu Kubwa kutokana na ukimya usio na maelezo juu ya raia wa Tanzania wanaopotea.

Akizungumza katika homilia yake takatifu Mara baada ya kusomwa barua yake ya kichungaji katika misa ya mkesha wa pasaka usiku wa tarehe 31 kuamkia tarehe 1,Askofu Mkude amesema ukimya usio na maelezo unaoendelea juu ya raia wanaopote a unatia mashaka na unajenga hofu Kubwa

Askofu Mkude amesema raia wanaopotea ni raia walio na familia,Ndugu jamaa na marafiki hivyo kupotea kwao kunapotokea na serikali kukaa kimya bila maelezo yoyote kunajenga hofu.

"Ipo huzuni kubwa kumpoteza Jamaa yake,na ni heri baadae ujue kama amefariki ili umuombee,kuliko kutokujua kabisa mahali alipo,inatia hofu" alisema

"Yesu alipotoweka,(kufa)na siku ya tatu alipoonekana tena(kufufuka)wanafunzi wake walifurahi mno,hivyo tunaitumaini furaha hiyo endapo siku moja Ndugu hawa wataonekana"

Vilevile Askofu Mkude aligusia upotoshaji wa habari za mitandao huku akiita ni kama"kilema Mamboleo".

Akisisitiza juu ya upotoshaji wa mitandao,Askofu Mkude alikumbushia kuhusu uzushi ulioibuka miezi mingi iliyopita juu ya kifo chake wakati akiwa katika matibabu nchini India.

"Nyinyi mtakuwa mashahidi wakati nazushiwa kifo,mlihuzunika sana,hata Arusha nasikia walishanisomea Misa,lakini mliponiona tena mlifurahi....japo nilikuwa natembelea fimbo,sasa hata fimbo sina tena,mmefurahi" alisema Askofu Mkude

"Furaha hiyo ndiyo tunayotarajia wataipata Ndugu wa raia waliopotea" alikazia

Lakini Askofu Mkude alisema ameomba barua yake hiyo isomwe Tanzania nzima ili ujumbe huo wa kupotea kwa raia uwafikie watu wote.

Mwisho Askofu Mkude alitaja vile alivyoviita vilema mamboleo ikiwemo suala la "siasa bila kanuni na sheria"

ASKOFU NGALALEKUMTWA AWAOMBA WAUMINI MAMBO MATATU.

Askofu Wa Jimbo Katoliki La Iringa Mhashamu Tarcisius Ngalalekumtwa Akihitimisha Misa ya Sherehe Ya Pasaka,katika Kanisa La Kiaskofu Kihesa Iringa;Amewaomba Waumini Mambo Matatu.
 
    Askofu Ngalalekumtwa Amewaomba Waumini Kuombea Familia na Jumuiya zao Ziwe Na Hali Njema ya kiuchumi,Ili kuondokana na Ugumu wa Maisha unao zikabili Familia hizo.
Pia Ameomba Jambo la Pili Kuombea Amani na Kuiombea Serikali ya Rais Magufuli ili iwe ni Serikali yenye Huruma Kwa Raia inaowaongoza,Askofu Ngalalekumtwa Amesema Uongozi ni Kazi ngumu Hivi amewataka Waumini Kuiombea Serikali ili Iongoze kwa Kufuata Misingi ya Haki.

  Jambo la Tatu Amewaomba Waumini Hao Kuombea Hali Njema ya Hewa.Amesema Mvua zilizo Chelewa kunyesha zikikata Mapema,Mazao Yanaweza kuharibika.

KWAYA YA MTAKATIFU SESILIA KIHESA IRINGA WATOA KALI ZAIDI.

                                                

 Kwaya Ya Mtakatifu Sesilia Parokia Ya Kihesa,Jimbo La Iringa Wametoa AlbumYao Mpya Inayo     Julikana Kwa Jina la "MUOMBA MUNGU HACHOKI".Mwalimu Wa Kwaya Hiyo    Goodluck Mdugi, Amesema Album Hii Ipo katika Ubora Mkubwa Kutokana na Ushirikiano Kati Ya Wanakwaya,Viongozi na Walimu.                                     

 
     Mwl Goodluck Mdugi Amesema Album hiyo Tayari Ipo Sokoni,Anawaalika Watu Wote Kupata
     Nakala Ya Album Hiyo Kwani Imebeba Ujumbe Mzito Sana.

MUNGU AMEAMUA KUJISEMEA?

                                                   Baba Askofu Atoa Ya Moyoni.

WAZIRI MWAKYEMBE ATEMBELEA HIGHLAND STUDIO NA KUJIONEA KAZI KUBWA ZINAZO FANYIKA KATIKA STUDIO HIYO.

Waziri wa Sanaa Utamaduni na Michezo,Mheshimiwa Harrison Mwakyembe,Ijumaa ya Leo ametembelea Studio ya Highland
Iliyopo Maeneo ya Kigogo Dar es salaam,na Kufanya Maongezi na Mkurugenzi wake Engineer Richard Mloka.

  Mheshimiwa Mwakyembe ametoa pongezi nyingi sana kwa Mkurugenzi wa Studio Hiyo Eng.Mloka,kwani Studio yake Imefanya kazi kubwa sana ya kukuza vipaji Vya wanamuziki Mbali mbali ktk Taifa Letu.

 Studio Hiyo yenye Historia kubwa Katika Nchi ya Tanzania imekuwa kimbilio la Wanamuziki wa Nyimbo za kizazi kipya,Band Mbali Mbali ikiwemo TOT Band,lakini zaidi kabisa Studio hiyo ni Maarufu sana kwa Kurekodi Nyimbo za Kwaya Mbali Mbali Za kanisani.

 Pamoja Na Kumiliki Studio Ya  kurekodi Nyimbo,Engineer Richard Mloka anamiliki Pia Shule ya Muziki na Sound Engineering, Ambapo ni Chimbuko La Mafundi Mitambo Wengi Ambao baadhi Wanafanya Kazi Kwenye Vituo Mbali Mbali vya TV,kama Vile ITV na TBC na Wengine Kwenye Vituo Binafsi Na Studio Mbali Mbali.

   (1) Waziri Mwakyembe akiwa na                 Mwenyeji Wake Eng.R.Mloka.

   (2) Waziri Mwakyembe Akisistiza                   jambo.

RICHARD MLOKA (MANAGER WA HIGHLAND SCHOOL OF AUDIO ENGINEERING)AMLILIA MWL JOSEPHAT SARWATT.

Kifo cha mpendwa mara nyingi ni habari isiyoaminika kwa urahisi na ikiaminika haipokeleki kirahisi.  Josephat Sarwatt ameitwa na Baba mwema wa Mbinguni kuanza maisha ya umilele.
Nimemfahamu kama mwanamuziki,  mseminari, na mkatoliki mwenzangu, lakini kubwa zaidi ni mwanafunzi wangu wa Sound Engineering.  Alisoma pamoja na Leonard Komba na Ivan Mushi.
Ametuachia kazi zake na tujifunze kutumia karama hizo kwa manufaa ya Kanisa.  Umri afao mtu si kitu bali ameacha nini na amegusa wangapi.

Poleni ndugu na familia yake.
Poleni waseminari na wana Jimbo la Mbulu.
Poleni wana Alumni ya Highland School of Audio Engineering.
Poleni mababa na wanakwaya Katoliki wote Tanzania.

Raha ya milele umpe ee Bwana,  na mwanga wa milele umwangazie.  Apumzike kwa amani,  Amina.

_Mwl. Richard Mloka_

MHE,TUNDU LISSU ATEMBELEWA NA MHE.ZITTO KABWE HOSPITALINI NA KUTETA MAMBO MAZITO.

Sikati tamaa na Watanzania - Lissu

Tangu jana Jumapili, Februari 11, 2018 niko kikazi nchini Ubelgiji, kwa ziara ya Kichama na Kiuwakilishi, nikikutana na wabunge wa vyama vya Kijamaa vyenye uwakilishi katika Bunge la Ulaya hapa Brussels, tukijadili kwa upana kuhusu masuala ya Demokrasia na nafasi ya vyama vya Kijamaa ulimwenguni katika kuhakikisha uwepo wa Demokrasia pana. Pia ziara yangu inahusisha kazi za Uwakilishi kama Mbunge wa Jimbo la Kigoma Mjini, na Diwani wa Manispaa ya Kigoma Ujiji kupitia chama cha ACT Wazalendo, nikizungumza na taasisi mbalimbali juu ya maendeleo ya wananchi ninaowawakilisha.

Jana jioni pia nilipata fursa ya kumsabahi Mbunge, Kiongozi mwenzangu wa kisiasa, na Rais wa Chama cha Wanasheria Tanganyika, TLS, ndugu Tundu Lissu anayeendelea na matibabu hapa Ubelgiji. Nimefurahi kumwona Lissu akiwa anaendelea vizuri, na afya yake kuzidi kuimarika. Nikilinganisha na hali niliyomwona nayo jijini Nairobi, Septemba, mwaka jana, ni dhahiri kwamba Mwenyezi Mungu amepitisha uwezo wake na kumponya mja wake.

Nimezungumza naye mambo mengi, hasa kuhusu Nchi yetu, na pia kuhusu dunia kwa ujumla. Miongoni mwa mambo ambayo tumeyazungumza na ninaona ni muhimu kuyaweka wazi ni yafuatayo:

Mosi: Suala la Gharama za matibabu yake. Lissu anasikitika kuwa Bunge la Jamhuri ya Muungano wa Tanzania mpaka leo sio tu halimhudumii Lakini pia hata stahili zake za msingi kama Mbunge hapewi. Licha ya kutibiwa kwa misaada ya wasamaria wema, lakini ana mahitaji mengine kama mwanadam na wajibu kama mzazi. Sheria ya Bunge imeweka wazi kuwa Mbunge anapokuwa ametibiwa nje ya nchi Bunge humgharamia maisha yake.

Tangu Septemba, 2017 Bunge halijampa Mbunge wa Singida Mashariki haki zake za kisheria. Bunge limesukuma wajibu huo kwa Serikali, Wizara ya Afya na linasema kuwa linasubiri urasimu wa Serikali. Inasikitisha sana. Ikumbukwe kuwa mmoja wa wataalamu waliosaidia Lissu kupata huduma ya kuokoa maisha yake katika Hospitali ya Mkoa ya Dodoma, mara tu baada ya kupigwa risasi, ni Katibu Mkuu wa Wizara ya Afya.

Mzunguko ambao unafanywa na Bunge kuhusu suala lililo wazi kabisa la kugharamia maisha ya Mbunge aliye kwenye matibabu linatia simanzi sana. Ninamsihi Spika wa Bunge, achukue hatua kwenye jambo hili, Bunge litimize wajibu wake kwa Mbunge wake kwa mujibu wa sheria. Kuendelea kuvuta miguu katika suala hili kunaleta hisia mbaya, na kunajenga taswira mbaya ya Bunge letu.

Pili: Suala la uchunguzi wa shambulio lake. Mpaka sasa ni miezi mitano imepita tangu Lissu ashambuliwe kwa risasi, na hakuna taarifa yeyote kuwa mamlaka za uchunguzi zimewakamata wahusika au kuonyesha tu juhudi za kuwatafuta wahusika. Jambo hili linatoa taswira mbaya sana juu ya vyombo vyetu vya uchunguzi, linajenga chuki na linaondoa imani ya wananchi kwa vyombo hivyo.

Ombi la Lissu kwangu ni kuwa tuendelee kupaza sauti ili uchunguzi ufanyike na kuwakamata wahusika waliomshambulia. Iwapo watu hawa hawatachukuliwa hatua wataendelea kuumiza watu wengine. Jeshi la Polisi linapaswa kueleza umma limekwama wapi kwenye uchunguzi wa tukio hili baya kabisa kuwahi kutokea katika nchi yetu, la mbunge kushambuliwa kwa risasi katika eneo la Bunge, akihudhuria vikao vya bunge.

Ni jambo la aibu kubwa kwa nchi yetu kuwa Mbunge anashambuliwa mchana kweupe na vyombo vya uchunguzi vinashindwa kufanya uchunguzi wa tukio hilo na kuwakamata wahusika. Kitendo cha Serikali kukataa kuchunguza shambulio hili ni ishara kuwa Serikali inawajua waliomshambulia Lissu, na hivyo imeamua kuwalinda. Jambo hili ni baya sana kwa ustawi wa haki katika nchi yetu.

Tatu: Lissu ameniambia kuwa sasa anapata muda mrefu wa kutosha wa kujisomea vitabu, na yeye hupenda kusoma kitabu chochote ili kuwa na MAARIFA mapana zaidi. Nami nimempa zawadi ya vitabu kadhaa, kikiwemo kitabu cha Thomas Picketty cha CAPITAL in 21st Century ambacho nimemsihi akisome kwa kina kwani kitamsadia kuelewa namna tofauti ya kipato kati ya wenyenacho na wasionacho ilivyoongezeka duniani kote.

Pia tulibadilishana mawazo na juu ya mbinu za mapambano ya kuleta mabadiliko nchini kwetu. Lissu ameniambia maneno yafuatayo “Wananchi wanajua wanataka nini, sisi Viongozi ndio tupo nyuma na Wananchi wapo mbele kimawazo. Jambo moja lipo wazi sana kwangu nalo ni kuwa sikati tamaa na Watanzania“. Mwisho wa kunukuu.

Nimemtakia kheri na kumuombea apone haraka.

Kabwe Z. Ruyagwa Zitto
Kiongozi wa Chama, ACT Wazalendo
Brussels
Ubelgiji
Februari 12, 2018

BARAZA LA MAASKOFU KATOLIKI (TEC)LATOA WARAKA MZITO WA KWARESMA.

Baraza la Maaskofu Katoliki Tanzania (TEC) limetoa ujumbe wa Kwaresma wa mwaka 2018 ndani yake likitoa msimamo kuhusu masuala ya kisiasa, kiuchumi na kijamii nchini.

Ujumbe huo ulioandikwa na maaskofu wote 35 wa TEC wakiongozwa na Rais wake, Mhashamu Tarcisius Ngalalekumtwa upo katika kitabu cha kurasa 20 ikiwa ni maandalizi ya ibada hiyo ya siku 40, kipindi ambacho ni cha mfungo wa sala kukumbuka siku 40 za Kristo kufunga na kwenda jangwani.

Hali ya kisiasa

Katika ujumbe huo, TEC imesema uamuzi wa Serikali kuzuia maandamano, mikutano ya hadhara ya vyama vya siasa ni kwenda kinyume cha Katiba ya nchi.

Baraza hilo pia limeonya hatua ya Serikali kuvibana vyombo vya habari ikiwa pamoja na kuvifungia kwa sababu mbalimbali.

“Kufungiwa huku kwa vyombo vya habari kumeenda sambamba na kuminya uhuru wa Mahakama na Bunge kwa njia ya kuminya haki wabunge na kutowapa nafasi ya mikutano ya hadhara kama haki yao ya msingi ya kikatiba.”

Alipopigiwa simu ili kutoa maoni ya upande wa Serikali kuhusu ujumbe huo, Msemaji wa Serikali, Dk Hassan Abbasi alisema, “Sijaliona bado tamko husika kwa hiyo siwezi kujibu hoja ambayo sijaisoma kwa sasa.”

TEC imetoa ujumbe huo katika kipindi ambacho vyama vya siasa, hasa vya upinzani vikilalamika kuzuiwa kufanya mikutano ya hadhara baada ya Serikali kuipiga marufuku mpaka mwaka 2020, isipokuwa kwa wabunge walioshinda uchaguzi ambao wameruhusiwa kufanya mikutano kwenye majimbo yao.

Ugumu huo umetajwa na vyama hivyo kwamba unapunguza nguvu ya ushindani kwa vyama vya upinzani kukikabili chama tawala.

“Kikatiba, nchi yetu inafuata mfumo wa demokrasia ya vyama vingi. Katiba na sheria mbalimbali zimeainisha utaratibu wa kazi na shughuli za vyama vya siasa. Ili kuhakikisha kwamba shughuli za vyama vya siasa zinakuwa endelevu, vyama vyenye kukidhi vigezo hupewa ruzuku kupitia bajeti ya Serikali inayopitishwa na Bunge,” unaeleza ujumbe huo.

“Hata hivyo, shughuli za, siasa bado zinaendelea kuzuiwa kwa kutumia vyombo vya dola. Maana yake ni kwamba shughuli za kiuenezi za vyama vya siasa, kama vile mikutano ya hadhara, maandamano, makongamano, mijadala na hata mikutano ya ndani, ambayo ni haki ya kila raia, zimekoma mpaka uchaguzi mwingine. Kisheria, huu ni uvunjifu wa Katiba na sheria za nchi.”

Kuhusu vyombo vya habari, TEC imesema Serikali imepunguza wigo wa uhuru wa wananchi wa kupata habari na maoni ya kujieleza na kueleza kwamba kwa ujumla wake, mazingira hayo yatasababisha jamii kufarakana na hata kujenga chuki.

“Kumekuwapo pia hali ya vurugu katika chaguzi mbalimbali. Chaguzi hizi zinaacha nyuma uchungu, hasira, tamaa ya kulipa kisasi na hata kususia chaguzi nyingine,” unasema ujumbe huo wa TEC na kuonya kuwa kama hali hiyo itaachwa, itakuja kusababisha mifarakano mikubwa itakayobomoa amani na umoja wa kitaifa.

Kiuchumi

Kuhusu uchumi, TEC imetoa mambo sita ya kujiuliza; “Tunazitumiaje mali na rasilimali nyingine tulizokabidhiwa na Mungu kama mawakili wake? Tunalipa kodi stahiki kwa ajili ya kugharamia huduma za jamii ambazo Serikali inapaswa kutoa kwa ajili ya wananchi?”

“Wale ambao tu waajiri, tunawajali wafanyakazi na wahudumu wetu kwa kuwalipa mishahara ya halali? Wale ambao tu wafanya biashara, tunalipa kodi zote kihalali?”

“Wale ambao tumepewa jukumu la kukusanya kodi, ushuru na ada nyingine kama tunafanya hivyo kwa mujibu wa sheria, kanuni na taratibu husika? Tunaepukaje na kishawishi cha rushwa, hongo, mulungula, magendo au aina yoyote ya ufisadi?”

Kijamii

Katika eneo la kijamii TEC imesema bado kuna kishawishi cha kupingana na azma ya kuboresha maisha ya kijamii.

“Hii inajidhihirisha kwa njia ya uhasama, ugomvi, ukatili kwa watoto na wanawake, ujambazi, na maovu mengine kama hayo miongoni mwa jamii yetu. Kama wamisionari tunaopaswa kuleta habari njema kwa ndugu zetu, kwa nini turuhusu roho ya namna hii ambayo kwa kweli ni roho ya Kaini inayouliza kwa jeuri kabisa,” unasema ujumbe huo.

Mambo matatu

Katika ujumbe wake, Baraza hilo limesema, “Kwa mwaka huu wa 2018 kipindi hiki ni cha kujitafakari mbele ya Mungu na kufanya toba hususan uhai wa amani yetu kwa njia ya matendo ya huruma, haki upendo na amani kwa jirani zetu.”

Limesema hiki ni kipindi chenye upekee wa aina yake kwake sababu ya mambo matatu;

“Ni katika mwaka huu ambapo Kanisa Katoliki Tanzania linaadhimisha na kusherehekea miaka 150 ya Ukatoliki Tanzania Bara, na kilele chake kitakuwa tarehe 2 Oktoba.

Mwaka huu pia utakuwa ni mwaka wa 50 tangu Baraza la Maaskofu Katoliki Tanzania watoe tamko rasmi kuhusu mwelekeo na hatima ya nchi yetu na Mwaka huu ni mwaka wa maandalizi ya utekelezaji wa haki ya msingi ya kidemokrasia ya raia wote ya kuchagua viongozi

wa Serikali zetu za mitaa, vijiji na vitongoji hapo mwakani 2019.”

Kwa sababu hizo tatu, TEC imesema, “Ni vyema tafakari yetu ya Kwaresima ikalenga katika swali ambalo, kwa namna moja au nyingine, linahusu sababu hizo tatu. Kwa njia ya swali hilo mwanadamu hudiriki kumhoji na kumuuliza Mungu na Muumba wake kuhusu hali ya binadamu mwenzake. Swali hilo ni Je, mimi ni mlinzi wa ndugu yangu?” (Mw. 4:9).

JIMBO KATOLIKI IRINGA LAPOTEZA PADRE MWINGINE KWA AJALI YA GARI.

  Ikiwa ni Miezi Michache imepita Tangu Jimbo la iringa limpoteze Padre Ponsiano Myinga kwa ajali ya Gari,Jana Jioni Jimbo hili Limepata tena Majonzi Makubwa kwa Kuondokewa na Padre wake Vedastus Mahimbi,ambaye alipata Ajali ya Gari Maeneo ya Njombe,Akiwa safarini kuelekea Iringa. Ajali hiyo imetokea baada ya kugongana na Lori Uso kwa Uso.

   Padre Mahimbi alikuwa ni Mlezi na Mwalimu katika Seminari ya Mtakatifu Agustino peramiho Mkoani Ruvuma(Songea).

 

WATAWALA WA AFRIKA WANA CHA KUJIFUNZA TOKA KWA RAIS UHURU?

Watawala wa Afrika Wanapaswa Kujifunza toka kwa Rais Uhuru Kenyatta wa Kenya.
 Imekuwa ni Tabia inayoota usugu miongoni Mwa Baadhi ya Watawala ktk Nchi za Afrika Kugeuka Kuwa Miungu watu Kwa Kudhani kuwa Madaraka waliyo nayo hayapaswi kuhojiwa na MTU Yeyote.
  Rais Uhuru Ameonyesha Ukomavu Mkubwa Sana wa kisiasa,kwani Angeruhusu Majeshi ya Kenya Kumshughulikia Raila Odinga na Wafuasi wake Angeweza kufanya hivyo sababu majeshi yote yapo chini yake,Lakini Rais Uhuru hakuweza kufanya hivyo akijua kwamba kwa kufanya hivyo angesababisha Machafuko Kwenye Nchi Ambayo yeye ni Rais wake.
 Lakini pia alitambua kuwa katiba ya Kenya inatambua uwepo wa Rais Mmoja tu wa Taifa hilo,Hivyo aliona amwache Odinga Aape tu ili auridhishe Moyo wake na wafuasi wake.
 BILA BUSARA ZA RAIS UHURU LEO KENYA PANGEKUWA NA MACHAFUKO MAKUBWA SANA.

ZAIDI YA WATOTO MIA MOJA HAMSINI WABATIZWA PAROKIANI KIHESA IRINGA.

   Katika Sikukuu ya Epifania,Parokiani Kihesa Jimboni Iringa Watoto zaidi ya miamoja Hamsini Wamebatizwa.

   Idadi Hiyo imetokana na Kazi Nzuri inayofanywa na Mapadre,Makatekista.
Makatekista na Mapadre Wamekuwa mstari wa Mbele kuwahamasisha Waumini katika Parokia Hiyo Kuishi Maisha Ya Kikristo,Pamoja na Kuwalea Watoto Wao Katika Maadili Mema.